सप्तेश्वरी एम्बुलेन्स सेवा समिति रामपुरठोक्सिला गाविस-७ का सञ्चालक समितिका पूर्वअध्यक्ष ५० भीमबहादुर खड्कालाई नेकपा माओवादी विप्लव नेतृत्वका कार्यकर्ताले साउन १७ गते मोसो दलेका छन् । एम्बुलेन्सको खरिद तथा सञ्चालनमा अनियमितता गरेको भन्दै माओवादीका जिल्ला सदस्य पूर्णबहादुर तामाङको नेतृत्वमा आएका सात जनाको समूहले पूर्वअध्यक्ष रामपुरठोक्सिला-७ लालबजारका खड्कालाई लालबजारचौकमा दिउँसो ५ बजे उनीहरूले मोसो दलेका हुन् । घटनापछि फरार भएका पूर्णबहादुर तामाङलाई लालबजार प्रहरी चौकीले गिरफ्तार गरेको जिल्ला प्रहरी कार्यालयका डिएसपी जयराज सापकोटाले जानकारी दिए । आरोपितलाई इलाका प्रहरी कार्यालय रामपुरमा राखी थप अनुसन्धान र कारबाही प्रकृया अगाडि बढाइएको डिएसपी सापकोटाले बताए ।