तुलसीपुर : सामान्य विवादमा एक महिलाले बन्चरोले हानेर पतिकोे हत्या गरेकी छिन् । रुकुम कोटजहारी गाविस–४ मेलैनाउली निवासी गौरी वादीले बञ्चरोले हानेर पति वुद्धि वादीको हत्या गरेकी हुन् । मंगलबार साँझ सामान्य विवाद भएपछि राति सुतिरहेका पतिलाई बञ्चरोले हानेर हत्या गरेको प्रहरीले जनाएको छ । रुकुम प्रहरीले आरोपित गौरीलाई पक्राउ गरिसकेको छ । दम्पत्तिका २ छोरा र १ छोरी छन् । घटनाको थप अनुसन्धान भइरहेको रुकुम प्रहरीले जनाएको छ ।