दाङमा मादक पदार्थ सेवन गरी सालाले भिनाजुको हत्या गरेका छन् । डुरुवा ५ पहरुवा निबासी ५२ वर्षीय हासीराम चौधरीलाई उनको साला नाता पर्ने ४२ वर्षीय दीपक चौधरीले फरुवाको बिडले हिर्काएर हत्या गरेका हुन् । मदिरा सेवन गरेका दुबै जनाको बिचमा बिबाद हुँदा विहीबार राती ११ बजे दीपकले भिनाजुलाई फरुवाको बिडले टाउकोमा हिर्काएर हत्या गरेको दाङका प्रहरी प्रमुख एसपी कुबेर कडायतले जानकारी दिए । टाउकोमा गम्भिर चोट लागेका चौधरीको उपचारका लागि नेपालगञ्ज लैजाने क्रममा बाटो मै मृत्यु भएको हो । दीपकलाई प्रहरीले नियन्त्रणमा लिएको छ ।