रौतहटको गौरमा रहेको एमाले पार्टी कार्यालयमा बिहीबार आगजनीको प्रयास गरिएको छ । छापामार शैलीमा मोटरसाईकलमा आएका आन्दोलनकारीले सुरक्षाकर्मीको अाँखा छल्दै बाहिरबाटै कार्यालयमा आगो फालेर भागेका थिए । आगजनीबाट कार्यालयको एउटा कुर्सी जलेको छ । घट्नास्थलमा तत्कालै सुरक्षाकर्मी पुगी आगो निभाएका थिए । गौर नगरपालिका–८ मा रहेका कार्यालयमा मोटरसाईकलमा आएका आन्दोलनकारीले बाहिरबाटै आगो फालेर भागेको जिल्ला प्रहरी प्रमुख एसपी प्रद्युन्न कार्कीले जनाए । एमाले सभासद् रामकुमार भट्टराईले कार्यालयमा पेट्राल बम प्रहार गरेको भन्ने सुन्नमा आएको तर यथार्थ पत्ता नलागेको बताए । प्रहरीले पेट्रोल बम नभएको जनाएको छ । बजारदेखी केही पर भित्र रहेको पार्टी कार्यालयमा आन्दोलनकारीले आगजनीको प्रयास गरेका हुन् ।