वीरगञ्जको नग्मास्थित बाईपास सडकमा आन्दोलनकारी र प्रहरीबीच झडप भएको छ । आन्दोलनकारीलाई तितरबितर पार्न प्रहरीले २५ राउन्ड हवाई फायर र एक दर्जन सेल अश्रुग्याँस प्रहार गरेको छ । हिजो राति पनि बाईपास सडकमा प्रहरी र प्रदर्शनकारीबीच झडप भएको थियो । हिजो भएको झडपमा एक शसस्त्र प्रहरीसहित एक दर्जन घाइते भएका थिए । आन्दोलनकारीले प्रहरी चौकीमा आक्रमण गर्न खोजेपछि प्रहरीले रबरको गोली चलाएको छ। रबरको गोली लागेर एक जना घाइते भएका छन्। नगवा-१० का कृष्ण पटेल घाइते भएको र उनको उपचार नारायणी उपक्षेत्रीय अस्पतालमा भइरहेको बताइएको छ। उनको टाउको र हातमा रबरको गोली लागेको बताइएको छ।