नेपाल भारत सीमा क्षेत्र अन्तर्गत विराटनगरको रानी र भट्ठीमा बुधबार बिहानैदेखि प्रहरी र संयुक्त तराई मधेसी लोकतान्त्रिक मोर्चाका आन्दोलनकारीबीच झडप भइरहेको छ । बुधबार बिहानै गाउँगाउँबाट आएका प्रदर्शनकारीले रानीस्थित पुलिस चेकप्वाइन्टमा तोडफोड गरेपछि स्थिति तनावपूर्ण बनेको हो। मोरङ प्रहरीका प्रवक्ता डिएसपी प्रमोद खरेका अनुसार अहिले पनि रानीमा झडप भइरहेको छ । उनका अनुसार प्रहरी स्थिति नियन्त्रणमा लिन ११ राउन्ड हवाइ फायर गरेको छ भने केही सेल अश्रुग्यास समेत प्रहार गरेको छ ।