बाराको कलैयाबाट चिनी बोकेर काठमाडौं आउँदै गरेको तीन वटा ट्रकमा आगजनी गरिएको छ। शनिबार बिहान करिब ३ बजे बराको मनर्हावामा ना५ख २९९५, ना५ख ८७६१ र ना४ख २९२७ ट्रकमा आगजनी गरिएको बाराका प्रहरी उपरीक्षक लोकेन्द्र मल्लले जनाएका छन्। उनका अनुसार तीन वटै ट्रकमा गरी ८ सय २० बोरा चिनी नस्ट भएको छ। आगजनीपछि कलैयाबाट आएको दमकलले आगो निभाएको थियो। आगजनी कसले गरेकोबारे अनुसन्धान भइरहेको मल्लले बताए। तीन वटै ट्रक रिल्यान्स सुगर मिलको रहेको बताइएको छ।