६ वर्षीया एक बालिकालाई अपहरण गरेको आरोपमा धनकुटा जिल्ला पिपलटार गाविस-८ की १८ वर्षीया सिमरन सुनारलाई भदौ ३१ गते प्रहरीले गिरफ्तार गरेको छ । ताकुकोट गाविस ८ घर भई गोरखा नपा- १ पँदेली बस्दै आएकी आएकी छ वर्षीया स्मृति बरामलाई भदौ ३० गते सुनारले घरबाटै अपरहरण गरेकी थिइन् । बालिका अपहरणमा परेको भन्दै आफन्तले खोजी र उद्धारका लागि प्रहरीमा खबर गरेकोमा प्रहरीले सबै ठाउँ तथा नाकामा बालिकाको फोटो र हुलियासहित खोजीका लागि सूचना जारी गरेको डीएसपी बसन्त रजौरेले बताए । बालिकालाई अपहरण गरी भदौ ३० गते गोरखा सदरमुकामबाट साँझ तनहुँको आँबुखैरेनी लगेको र ३१ गते बिहानै काठमाण्डौँ पुगी पुन फर्केर नुवाकोट जाँदा प्रहरीले चेकजाँचका क्रममा सुनारलाई बालिका सहित फेला पारेको थियो । आरोपितलाई गिरफ्तार गरी किन र के कारणले अपरहरण गरिएको भन्ने सम्बन्धमा आवश्यक अनुसन्धान भएरहेको प्रहरीले जनाएको छ ।