नयाँ संविधानको स्वागत गर्ने पक्ष र विरोध गर्ने पक्षबीच धरानमा झडप हुँदा एकजना घाइते भएका छन् । धरान–१७ रेल्वेमा कांग्रेस, एमाले र एमाओवादी कार्यकर्ताले संविधानको स्वागत गर्ने तयारी गरिरहेको बेला स्वागत कार्यक्रम बिथोल्न पुगेका संघीय समाजवादी फोरम नेपालका संघीय युवा संघ जिल्ला सदस्य कुमार दर्नाल घाइते भएका छन् । उनको बीपी कोइराला स्वास्थ्य विज्ञान प्रतिष्ठानमा उपचार भइरहेको छ । संघीय समाजवादी फोरम सहितको लिम्बुवान संयुक्त संघर्ष समितिले संविधानको विरोध गर्दै आइतबारदेखि आमहड्ताल गरेको बेला स्वागत कार्यक्रम बिथोल्न पुग्दा झडप भएको थियो ।