2015-11-19
थारु कल्याणकारिणी सभा केन्द्रीय आन्दोलन परिचालन समितिका संयोजक राजकुमार लेखीले थारुहरूको आन्दोलनमा भएको सरकारी दमनकाविरूद्ध मानवअधिकारकर्मीहरूले नबोलेको भन्दै अबको आन्दोलन मानवअधिकारकर्मी विरूद्ध केन्द्रित गरिने बताएका छन् । थारुहरूको आन्दोलनको समीक्षासँगै भावी आन्दोलनबारे छलफल गर्न दाङको लमही आइपुगेका लेखीले मंसिर १ गते लमहीमा आयोजित पत्रकार सम्मेलनमा थारु र मधेसी मोर्चाको आन्दोलन मानवअधिकारकर्मी विरूद्ध हुने बताए । कैलालीमा दर्जनौँ थारुहरूका घरमा सेनाले आगजनी गर्दासमेत चुइक्क नबोलेको भन्दै लेखीले नेपालका मानवअधिकारकर्मी डलरबादी भएको आरोप लगाए । थारुहरूको शान्तिपूर्ण आन्दोलनमा भएको सरकारी दमनप्रति किन बोलेनन् - लेखीले भने, मानवअधिकारकर्मीहरू नेपालका पाँचौ पार्टी हुन् । उनले शान्तिपूर्ण आन्दोलनको सुनुवाइ नगर्दा देश विखण्डन गर्नेहरूलाई बल पुगेको समेत बताए । अबको आन्दोलन थप कडा बनाउने भन्दै उनले पश्चिम नेपालका थारु अगुवाहरूसँग छलफलमा रहेको सार्वजनिक गरे ।
जे.एन.सागर
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD