पूर्वपश्चिम राजमार्गअन्तर्गत सप्तरीको रुपनीमा आज आन्दोलनकारीहरुले एउटा पलसर मोटरसाइकलमा आगो लगाएर जलाएका छन् । गाईघाटबाट राजविराजतर्फ आउँदै गरेको स४प ५३११ नं को पलसर मोटरसाइकलमा प्रदर्शनमा उत्रेका आन्दोलनकारीहरुले आगो लगाएको प्रहरीले जनाएको छ । आगलागीबाट मोटरसाइकल पूर्णरुपमा क्षति भएको प्रहरीले जनाएको छ । यसैबीच राती १० बजेदेखि मधेसी मोर्चाका कार्यकर्ता र प्रहरीबीच राजमार्गको भारदह र रुपनीमा सुरु भएको झडप अहिले पनि जारी नै रहेको छ । सो क्षेत्रमा अहिले पनि झडपसँगै अवस्था तनावग्रस्त रहेको बताइएको छ ।