संघीय समाजवादी फोरम नेपालका जिल्ला अध्यक्ष राजकुमार यादवले विराटनगरबाट प्रकाशित न्यू सृष्टि दैनिक पत्रिकामा आफ्नो अनुकूलको समाचार नआएको भन्दै पत्रिकामा आगो लगाउने धम्की दिएका छन् । फोरम नेपालका जिल्ला अध्यक्ष यादवले सो पत्रिकाको पहिलो पृष्ठमा प्रकाशित मोटरसाइकल र्‍यालीको फोटो तथा क्याप्सनको विषयलाई लिएर पत्रिका जलाउने धम्की दिएका हुन् । नेपाल सद्भावना पार्टीका केन्द्रीय सदस्य दिलीप धाडेवाको नेतृत्वमा निकालिएको मोटरसाइकल र्‍यालीको विषयलाई लिएर पत्रिकामा आगो लगाइ दिने फोरम अध्यक्ष यादवले धम्की दिएको सम्पादक शंकर खरेलले बताए । पत्रकार खरेलका अनुसार मोटरसाइकल र्‍यालीमा यादवको नभइ धाडेवाको नाम आएको भन्दै धम्की दिएको बताए । घटनाको सम्बन्धमा अध्यक्ष यादवले समाचार एकतफि भएकोले सुधार्नुपर्ने सुझाव दिएको बताए ।