वीरगञ्जमा मधेसी मोर्चाका कार्यकर्ताहरुले मोटरसाइकलमा आगजनी गर्ने क्रममा चालक गम्भीर घाइते भएका छन् । आगजनीका कारण ना १९ प १९६९ नम्बर मोटरसाइकल चालक राजेन्द्र पासवानको हात, खुट्टा र शरीरका विभिन्न भाग जलेको छ । उनको नारायणी उपक्षेत्रिय अस्पताल वीरगञ्जमा उपचार भइरहेको छ । मोर्चा कार्यकर्ताले मोटरसाइकलमा तेल धेरै भएको भन्दै आगजनी गरेका थिए । घटना साढे २ बजेतिर भएको हो । मोटरसाइकल घण्टाघरबाट परवानीपुरतर्फ जाँदै थियो । मोर्चा कार्यकर्ताले घण्टाघर नजिकै मोटरसाइकलमा तेल जाँच गरिरहेका थिए । आगजनीका कारण मोटरसाइकल नष्ट भएको छ ।