कञ्चनपुरमा सौतेनी छोरीलाई विष खुवाएर मारेको आरोपमा प्रहरीले एक महिलालाई पक्रेको छ । पक्राउ पर्नेेमा बेदकोट नगरपालिका ३ शान्तिपुरकी ३० वर्षकी डम्मरा पन्त रहेकी छिन। उनले ८ वर्षकी छोरी लक्ष्मी पन्तलाई विष खुवाएको प्रहरीले जनाएको छ । प्रहरीले मृतक लक्ष्मीको शव घरबाट झण्डै एक किलोमिटर टाढा चौधर नदीको किनारमा जमिनमा गाड्ने क्रममा फेला पारेको थियो । डम्मराले छोरी लक्ष्मीको शव आफन्तहरुको सहयोगमा खाडलमा गाड्ने क्रममा शव सहित आरोपी डम्मरालार्ई पक्राउ गरी थप अनुसन्धानका लागि जिल्ला प्रहरी कार्यालयमा राखिएको प्रहरीले जनाएको छ । मृतकका बाबु विष्णु भने रोजगारीका लागि भारतमा रहेको छिमेकीले बताएका छन् ।