नेकपा एमालेको भातृ संगठन युवा संघ नेपालले बुधबारदेखि कालोबजारी र बढ्दो महंगीविरुद्ध देशव्यापी अभियान सुरु गरेको छ । संघले बुधबार नै बबरमहलस्थित नेपाल आयल निगमको केन्द्रीय कार्यालय घेराउ गरेको छ । पेट्रोलियम पदार्थमा भइहेको कालोबजारी नियन्त्रण गर्न माग गर्दै विभिन्न नाराबाजी गरेका थिए । उनीहरुले कालोबजारी बन्द गर, भ्रष्ट कर्मचारीलाई कारबाही गर लगायतका नारा लगाएका थिए । नाकाबन्दीको बहानामा उपभोक्ता ठग्ने, पेट्रोल, ग्यासको कालोबजारी गर्ने कार्य तत्काल बन्द गर्नु पर्ने माग उनीहरुको छ ।