लहानबाट एक चिकित्सकलाई अपहरण गर्न खोज्ने जनतान्त्रिक तराई मुक्ति मोर्चा (गोइत समूह) का एक कार्यकर्ता पक्राउ परेका छन् । लहान नगरपालिका–८ बस्ने वर्ष ३५ का विजय पासवान चिकित्सक अपहरणको अभियोगमा पक्राउ परेका हुन् । उनलाई १० माघमा प्रहरीले पक्राउ गरेको थियो । प्रहरीले उनलाई लहानस्थित सप्तऋषि अस्पतालका सञ्चालक तथा चिकित्सक डा. पशुुपति चौधरीलाई अपहरण गर्न खोजेको आरोपमा पक्राउ गरेको बताएको छ । डा. चौधरीले चन्दा नदिएको भन्दै पासवानले ९ माघ बिहान ७ बजे अस्पतालकै अगाडिबाट अपहरण गर्न खोजेको प्रहरीले जनाएको छ । पासवानलाई अपहरण तथा शरीर बन्धक मुद्दाअन्तर्गत कारबाही प्रक्रिया अघि बढाइने प्रहरीले जनाएको छ ।