मादक पदार्थ सेवन (मापसे) गरेका एक पिताले आफ्नो ६ महिनाको छोरालाई सिरकमा पोको पारेर हत्या गरेका छन् । प्रहरीले हत्या अभियोगमा बिर्तामोड नगरपालिका–२ रामचोक बस्ने २० वर्षीय देव दाशलाई पक्राउ गरेको हो । प्रहरीका अनुसार मापसे गरेर आएका उनले लगातार छोरा रोएपछि सिरकमा पोको पारेका थिए । देव दाशकी पत्नीले सिरकमा छोरा पोको परेको देखेपछि हतार–हतार छोरालाई उद्धार गर्दै हो–हल्ला गरेकी थिइन् । निसास्सिएर गम्भीर अवस्थामा पुगेको बच्चालाई उपचारका लागि बिर्तामोड कै बीएण्डसी अस्पतादल लगिएको थियो । अस्पतालका चिकित्सकले तत्काल बच्चालाई मृत घोषित गरेको प्रहरीले जनाएको छ । घटनाबारे थप अनुसन्धान भइरहेको प्रहरीले जनाएको छ ।