बर्दिया, फागुन ६ – बर्दियामा एक वृद्धको धारीलो हतियार प्रहार गरी हत्या भएको छ । ठाकुरद्धारा–४ सुतैया गाउँका ६९ वर्षका जोरासिंह थापाको हत्या भएको हो । घरको बरण्डामा सुतिरहेको बेला बुधबार राति १० बजेतिर नचिनेका मानिसको समूहले धारीलो हतियार प्रहार गर्दा उहाँको घटनास्थलमै ज्यान गएको प्रहरीले जनाएको छ । उहाँकी श्रीमती बसना थापा घाइते हुनुभएको छ । अनुहारमा चोट लागेकी उहाँको स्थानीय स्वास्थ्य संस्थामा उपचार भइरहेको छ । हत्यामा संलग्नको खोजी भइरहेको डिएसपी नेत्रमणी गिरीले जानकारी दिनुभयो । हत्यामा संलग्न भएको आशंकामा गाउँकै युवा अजित बुढालाई पक्राउ गरीएको डिएसपी गिरीले बताउनुभयो ।