पर्वतको कुशमा नगरपालिका ११ खारेहामा शुक्रबार बिहान एक युवक मृत अवस्थामा फेला परेका थिए। जिल्ला प्रहरी कार्यालय पर्बतका अनुसार मृतकको स्थानीय २० वर्षीय सौरव श्रेष्ठको रूपमा पहिचान गरिएको छ। पोखरा- बागलुंगा सडक खण्डको पछाडिपट्टि रहेको एक ट्र्याक रोडमा उक्त युवक मृत अवस्थामा फेला परेको थियो र लास पोष्टमार्टमका लागि जिल्ला अस्पताल पठाइएको प्रहरी निरीक्षक दीपक पाटालीले बताए। जिल्ला प्रहरीले घटनाको अनुसन्धान सुरु गरेको जिल्ला प्रहरी कार्यालयले जनाएको छ।