2016-03-07
अपरिचित व्यक्तिले माथिल्लो कर्णाली जलविद्युत आयोजनाको प्रर्वद्धक कम्पनी जिएमआरको गाडीमा आगजनी गरेका छन् । सोमबार साँझ आयोजनास्थल सात्तला– १ रामाघाट खोला नजिक रोकी राखेको अवस्थामा बा८च १५८५ नम्बरको बोलेरो जीपमा आगजनी गरेका हुन् । जिएमआर भारतको बहुराष्ट्रिय कम्पनी हो । जलविद्युतमा भारतीय लगानीको विरोध गर्दै आएका पार्टीका कार्यकर्ता हुन सक्ने प्रहरीको अनुमान छ । कम्पनीले प्रयोग गरेको उक्त जीप भाडाको हो । ९ सय मेगावाटको यो आयोजना बनाउन गत वर्षको सेप्टेम्बरमा कम्पनी र नेपाल सरकारबीच पीडिए भएको थियो । कम्पनी हाल निर्माणपूर्वको प्राविधिक तथा वित्तीय तयारीमा जुटेको छ । दैलेखका प्रहरी प्रमुख बीरबहादुर ओली नेतृत्वको सुरक्षाकर्मीको टोलीले आगजनी गर्नेको खोजी कार्य तीव्र पारेको छ । चालकले जीप सफा गर्न रामाघाट खोलामा रोकेका थिए । लगत्तै अपरिचित दुई युवा आएर पेट्रोल छर्केर आगो लगाई फरार भएका थिए । स्थानीय व्यवसायी र सुरक्षाकर्मीले पानी छर्केर आगो निभाएका थिए । आगजनीले जीप पूर्ण क्षतिग्रस्त बनेको छ । घटनास्थल आयोजनाको ड्याम साइट टुइनकुनाबाट दुई किमी टाढा पर्दछ । टुइनकुनादेखि अन्दाजी आधा किमी नजिकको दुरीमा आयोजना सुरक्षार्थ सशस्त्र प्रहरी बल र नेपाली सेना तैनाथी छ । बाक्लो सुरक्षा घेरामा घटना हुनुलाई स्थानीयले आश्चर्य व्यक्त गरे । ‘आयोजना कर्मचारी र सुरक्षार्थ खटिएको सशस्त्र प्रहरीको कमजोरी हो,’ एक स्थानीयबासीले घटनाबारे टेलिफोनमा भने, आयोजना नबनोस् । होल्डमै राख्न पाइयोस् भन्ने जिएमआरकै रणनीति अन्तर्गत यो घटना भयो ।’ जिएमआर छिटो निर्माण सम्पन्न गर्नुको साटो आफ्नो नाउमा नदी ‘होल्ड’ गरेर राख्न चाहन्छ ती स्थानीयले भने । पछिल्लो समय आयोजनाको पक्षमा सकारात्मक माहौल भइरहेका बेला भएको यस घटनालाई स्थानीयले अर्थपूर्ण रुपमा लिएका छन् ।
updated दैलेखमा ९०० मेगावाटको जीएमआर अपर कर्णाली हाइड्रोपावर लिमिटेडको जीप जलाएको आरोपमा पुलिसले नेत्रविक्रम चन्दको नेतृत्वमा नेकपा माओवादीका दुई नेतालाई पक्राउ गरेको छ। दुबैलाई शुक्रबार पक्राउ गरिएको थियो। "नेकपा माओवादीका कलाम बीक र अर्का नेता हर्क बहादुर नेपालीलाई अनुसन्धानका लागि हिरासतमा लिएको छ," प्रहरी नायब उपरीक्षक वीरबहादुर ओलीले भने। नेपालीलाई शनिबार सामान्य मितिमा रिहा गरिएको थियो। विक अझै हिरासतमा छ। रामघाट नदी नजिकै सट्टाल्ला-१ प्रोजेक्ट साइटमा सोमबार साँझ बा८ च१५८५ नम्बर को जीप लाई जलाइएको थियो। स्थानीय व्यापारी र प्रहरीले आगो नियन्त्रणमा लिएका थिए। ९०० मेगावाटको माथिल्लो कर्णाली जलविद्युत् आयोजना सरकार र जीएमआरबीच सेप्टेम्बर २०१४ मा हस्ताक्षरित पावर विकास सम्झौता (पीडीए) अनुसार विकास भइरहेको छ।
Violent / Non-violent | Nonviolent |
Primary Form | Arrest (politically significant) |
Primary Cause | Unclear |
Actor 1 - Number of people | 2 |
Actor 1 - Affiliations | CPN (Chand) and affiliated org |
Actor 1 - Youth | na |
Actor 2 - Number of people | n/a |
Actor 2 - Affiliation (Target) | Other state institutions |
Actor 2 - Youth | na |