ताप्लेजुङमा बुधबार अंशबण्डाको बिषयलाई लिएर छोराले आफ्नै बाबुमाथि बाम्फोक (घरेलु हतियार) प्रहार गरेका छन् । ताप्लेजुङ नगरपालिका–२ बस्ने ३९ वर्षीय लिलामान केदिमलाई १८ वर्षीय छोरा संजीव केदिमले धारिलो हतियार बाम्फोक प्रहार गरेका हुन् । बाबु छोराबीच राती ८ बजे अंशबण्डा बिषयमा विवाद हुँदा सो घटना भएको हो । बाम्फोक प्रहारबाट घाईते बाबुलाई उपचारको लागि जिल्ला अस्पताल ताप्लेजुङ पठाईएको छ भने फरार रहेका संजीवको खोजतलास भईरहेको जिल्ला प्रहरी कार्यालय ताप्लेजुङले जनाएको छ ।