भक्तपुरको सूर्यविनायक नगरपालिका-८ सिपाडोलमा एक युवतीको शंकास्पद अबस्थामा शव भेटिएको छ । सिपाडोल स्थित राज पण्डितको घरको भूईँतलाको कोठामा काभ्रे पाँचखालकी सुस्मिता बिक शंकास्पद अबस्थामा मृत भेटिएकी हुन् । महानगरीय प्रहरी परिषर भक्तपुरका प्रहरी नायब उपरीक्षक शेखर खनालले पाँचखाल घरभई हाल सिपाडोल स्थित पण्डितको घरमा डेरागरि बस्ने २१ वर्षकी सुस्मिता कोठामा मृत अबस्थामा भेटिएको जानकारी दिनुभयो । शंकास्पद अबस्थामा शव भेटिएकाले शिक्षण अस्पताल महाराजगञ्जमा पोष्ट मार्टम गराई अनुसन्धान सुरु गरेको प्रहरीले जनाएको छ ।