१४ वर्षीया एक बालिकालाई ०७३ वैशाख १५ गते बलात्कार गरेको आरोपमा पोखरा उमनपा-१४ चाउथेका २० वर्षीय विनोद विकलाई जेठ २ गते प्रहरीले गिरफ्तार गरेको छ । पीडितका आफन्तले ०७३ वैशाख ३१ गते बलात्कारको आरोपमा प्रहरीमा उजुरी दिएका थिए । आफन्तले दिएको उजुरीका आधारमा जेठ २ गते आरोपितलाई गिरफ्तार गरी अनुसन्धान सुरु गरिएको प्रहरीले जनाएको छ । पीडित बालिकाको पश्चिमाञ्चल क्षेत्रीय अस्पताल पोखरामा वैशाख ३१ गते स्वास्थ्य परीक्षण गरिएको छ । विष्णुप्रसाद अधिकारी