३५ वर्षीया एक महिलालाई बलात्कार गरेको आरोपमा कञ्चनरुप नपा-११ ठेलियाका ४६ वर्षीय योगेन्द्र चौधरीलाई सप्तरी प्रहरीले ०७३ जेठ ३ गते गिरफ्तार गरेको छ । पीडित महिलालाई ०७१ चैत २१ गते बलात्कार गरी फरार रहेका आरोपितलाई गिरफ्तार गरिएको इलाका प्रहरी कार्यालय कञ्चनरुपका इन्स्पेक्टर गौरव महतले जानकारी दिए । आरोपितमाथि प्रहरीले कारबाही नगरेपछि पीडितले पुनरावेदन अदालत राजविराजमा दिएको निवेदनमाथि ०७२ जेठ ३१ गते परमादेश जारी भएको थियो । इलाका प्रहरी कार्यालय कञ्चनरुपले ०७२ चैत १६ गते मुद्दा दर्ता गरी खोजतलास गर्दा आरोपितलाई घरबाटै गिरफ्तार गरिएको इन्स्पेक्टर महतले बताए । घटनाका अन्य दुईजना फरार आरोपितको खोजीकार्य भइरहेको प्रहरीले जनाएको छ । मनोहरकुमार पोखरेल