१३ वर्षीया बालिकालाई बलात्कार गरेको आरोपमा मनहरी गाविस-३ का ३५ वर्षीय प्रदिप कर्माचार्यलाई जेठ ११ गते प्रहरीले गिरफ्तार गरेको छ । बालिकालाई जेठ १० गते बलात्कार गरेको भनी पीडित बालिकाले छिमेकीलाई जानकारी गराएपछि स्थानीयबासीले प्रहरीलाई खबर गरेका थिए । पीडित बालिकाले जेठ ११ गते इलाका प्रहरी कार्यालय मनहरीमा उजुरी दिएकी छन् । पीडित बालिकाको स्वास्थ्य परीक्षण प्राथमिक स्वास्थ्य केन्द्र मनहरीमा जेठ ११ गते गरिएको छ ।