चार वर्षीया बालिकालाई बलात्कार गरेको आरोपमा ६५ वर्षीय एक व्यक्तिलाई प्रहरीले जेठ ११ गते गिरफ्तार गरी जेठ १२ गते जिल्ला अदालतमा पेश गरेको छ । बालिकालाई धर्मपुत्रीको रुपमा राखेका आरोपितले चकलेट खान दिएर पटकपटक बलात्कार गर्ने गरेको भनी पीडित बालिकाको आमाले जेठ ११ गते जिल्ला प्रहरी कार्यालयमा दिएको उजुरीको आधारमा प्रहरीले गिरफ्तार गरेको हो । आरोपितविरुद्ध जबरजस्ती करणी उद्योग अन्तर्गत मुद्दा चलाउने प्रहरीले जनाएको छ । पीडित बालिकाको स्वास्थ्य परीक्षण जेठ १२ गते जिल्ला अस्पताल धादिङमा भएको छ ।