पोखरा उमनपा-१४ चाउथेस्थित रातोडाँडाकी ३१ वर्षीया नरमाया पुन र ६ वर्षीया छोरी पूर्णिमा पुनको हत्या गरेको आरोपमा नरमायाका पति ३१ वर्षीय विमल पुनलाई प्रहरीले जेठ १४ गते गिरफ्तार गरेको छ । आरोपितले घरायसी झैझगडाका क्रममा पत्नी र छोरीलाई फलामको रड प्रहार गरी जेठ १४ गते हत्या गरेको प्रहरीले जनाएको छ । आरोपितलाई घटनास्थलबाटै गिरफ्तार गरिएको पनि प्रहरीले जनाएको छ । मृतक दवैजनाको शव पोष्टमार्टमका लागि पश्चिमाञ्चल क्षेत्रीय अस्पतालमा लगिएको छ ।