एक १७ वर्षीया बालिकालाई बलात्कार गरेको ठहर गर्दै जिल्ला अदालत दाङ्ले जेठ १३ गते सिसहनीया गाविस-७ लठ्ठहवाका १९ वर्षीय गोविन्द सुवेदीलाई पाँच वर्ष ६ महिना कैद सजायको फैसला गरेको छ । जिल्ला न्यायाधीश चुरामण खड्काको इजलासले उक्त सजायको फैसला गरेको हो । ०७२ चैत ६ गते लमही नपा-३ सुनडवरीमा पीडित बालिकालाई गोविन्दलगायतले सामुहिक बलात्कार गरेको पीडितले उजुरी गरेकी थिइन् । जिल्ला अदालतले गोविन्दलाई दोषी ठहर गरेपनि घटनाका अन्य आरोपितहरूलाई भने सफाइ दिएको छ ।