१३ वर्षीया बालिकालाई यौन दुर्व्यवहार गरेको आरोपमा वीरगञ्ज उमनपा-९ गहवाका २२ वर्षीय राजा मियाँलाई प्रहरीले जेठ २० गते गिरफ्तार गरेको छ । ती बालिकालाई जेठ १९ गते यौन दुर्व्यवहार गरेको आरोपमा पीडित पक्षले प्रहरीमा उजुरी दिएपछि अनुसन्धानका लागि आरोपितलाई गिरफ्तार गरिएको प्रहरीले जनाएको छ । सोही घटनाको विषयमा २० गते स्थानीय भद्रभलाद्मीकाबीचमा समस्या समाधान गर्ने नाममा भएको छलफलमा सहमती नभएपछि पञ्चायती भएको स्थानबाटै मियाँलाई प्रहरीले गिरफ्तार गरेको हो । पीडित बालिकाको स्वास्थ्य परीक्षण जेठ २० गते नै वीरगञ्जको नारायणी उपक्षेत्रीय अस्पतालमा गरिएको छ ।