१५ वर्षीया बालिकालाई बलात्कार गरेको कसुरमा जिल्ला अदालत चितवनले भरतपुर उमनपा-२४ का ३६ वर्षीय सन्त सुनारलाई ६ वर्षकैद र ३ लाख रुपियाँ क्षतिपूर्तिको फैसला सुनाएको छ । ०७२ चैत १६ गते ती बालिकालाई बलात्कार गरेको आरोपमा गिरफ्तार गरिएका सुनारलाई चितवन अदालतको जेठ २० गते न्यायाधीश टेकनारायण कुवँरको इजलासले उक्त फैसला सुनाएको हो । पीडित पक्षले जिल्ला प्रहरी कार्यालय चितवनमा चैत १७ गते उजुरी दिएको थियो । पीडित बालिकाको चैत १८ गते भरतपुर अस्पतालमा स्वास्थ्य परीक्षण गरिएको थियो ।