२७ वर्षीया एक महिलालाई जेठ १७ गते बलात्कार गरेको आरोपमा पोखरा उमनपा-२३ निर्मलपोखरीका ६३ वर्षीय इन्द्रबहादुर नेपालीलाई जेठ २० गते प्रहरीले गिरफ्तार गरेको छ । आरोपितले पीडित महिलालाई विगतदेखि बलात्कार गर्दै आएकोमा पछिल्लो पटक जेठ १७ गते बलात्कार गरेको भन्दै पीडितका आफन्तले जेठ १७ गते नै जिल्ला प्रहरी कार्यालयमा उजुरी दिएका थिए । उजुरीको आधारमा आरोपितलाई गिरफ्तार गरी अनुसन्धान अगाडि बढाइएको प्रहरीले जनाएको छ । पीडित महिलाको स्वास्थ्य परीक्षण जेठ १७ गते नै पश्मिाञ्चल क्षेत्रीय अस्पताल पोखरामा गरिएको प्रहरीले जनायो ।