१३ वर्षीया बालिकालाई बलात्कार गरेको आरोपमा माकादुम गाविस-६ का ४१ वर्षीय दुर्गाबहादुर तामाङविरुद्ध जेठ २७ गते जिल्ला प्रहरी कार्यालमा उजुरी दर्ता भएको छ । जिल्ला प्रहरी कार्यालय रामेछापका प्रवक्ता मखन यादवले आरोपित तामाङविरुद्ध उजुरी दर्ता भएको जानकारी दिए । आरोपित तामाङले बालिकालाई बारम्बार बलात्कार गर्ने गरेको आरोपमा स्थानीयले चोप्राङ प्रहरी चोकीमा जानकारी गराएका थिए । चोप्राङ प्रहरीले आरोपितलाई जेठ २७ गते गिरफ्तार गरी सोही दिन जिल्ला प्रहरी कार्यालय रामेछाप पठाएको थियो । बालिकाको स्वास्थ्य परीक्षण जेठ २७ गते प्राथमिक स्वास्थ्य केन्द्र मन्थलीमा गरिएको प्रहरीले जनाएको छ ।