नौ वर्षीया बालिकालाई बलात्कार गरेको आरोपमा १४ वर्षीय एक बालकलाई जेठ ३१ गते प्रहरीले गिरफ्तार गरेको छ । आरोपित बालकले जेठ २५ गते बालिकालाई बलात्कार गरेको भन्दैं बालिकाका बाबुले जेठ २९ गते इलाका प्रहरी कार्यालय बुर्तिवाङमा मौखिक उजुरी दिएका थिए । जेठ ३१ गते जिल्ला प्रहरी कार्यालय वाग्लुङमा लिखित उजुरी दिएपछि आरोपितलाई प्रहरीले गिरफ्तार गरेको हो । पीडित बालिकाको स्वास्थ्य परीक्षण र उपचार धौलागिरी अञ्चल अस्पतालमा जेठ ३१ गते गरिएको जिल्ला प्रहरी कार्यालयका एसपी चक्रबहादुर सिंहले जानकारी दिए ।