१५ वर्षीया बालिकालाई पटकपटक बलात्कार गरेको ठहरमा रत्ननगर नपा-१ का २३ वर्षीय सन्तोष कुर्मीलाई चितवन जिल्ला अदालतले ६ वर्षकैद र ५० हजार रुपियाँ क्षतिपूर्तिको फैसला गरेको छ । न्यायाधीश कविप्रसाद न्यौपानेको असार २ गतेको इजलासले उक्त फैसला गरेको अदालतका सूचना अधिकारी कृष्ण बारालले जानकारी दिए । ०७१ फागुन ५ गते पछिल्लोपटक बालिकालाई बलात्कार गरेको आरोपमा पीडित पक्षले फागुन ६ गते इलाका प्रहरी कार्यालय रत्ननगरमा उजुरी दिएपछि कुर्मीलाई फागुन ७ गते प्रहरीले गिरफ्तार गरेको थियो । पीडित बालिकाको स्वास्थ्य परीक्षण फागुन ७ गते भरतपुर अस्पतालमा गरिएको थियो ।