एक युवकलाई बन्धक बनाएको आरोपमा प्रहरीले दुई युवकलाई पक्राउ गरेको छ। सप्तरी राजविराज नगरपालिका–१ बस्ने २३ वर्षीय नविनकुमार चौधरीलाई बन्धक बनाई राख्ने सिराहा नगरपालिका–७ बस्ने २३ वर्षीय संतोषकुमार यादव र सिराहा अर्नाहा–३ ब्रमपुगी बस्ने २० वर्षीय निरज कुमार यादवलाई प्रहरीले पक्राउ गरेको हो। उनीहरुले बुधबार चौधरीलाई काठमाडौं महानगरपालिका–३४ आलोकनगर नयाँवानेश्वरबाट बन्धक वनाई गौशाला एरियामा राखेको भन्ने खबर बिहीबार प्राप्त हुनासाथ महानगरीय प्रहरी वृत्त गौशालाबाट खटिएको प्रहरी टोलीले नयाँवानेश्वर कार्यश्वरमार्गस्थित उनीहरुको कोठाबाट पीडितलाई सकुशल उद्धार गर्नुका साथै उनीहरुलाई पक्राउ गरेको थियो। यस सम्बन्धमा प्रहरीले आवश्यक अनुसन्धान गरिरहेको छ।