एक १६ वर्षीया बालिकालाई होटलमा बन्धक बनाएर यौन शोषण गरेको आरोपमा कोहलपुर-११ की २७ वर्षीया सुस्मिता बोटे र ५० वर्षीया उर्मिला श्रेष्ठलाई असार ९ गते इलाका प्रहरी कार्यालयले गिरफ्तार गरेको छ । उनीहरूले फागुन पहिलो सातादेखि बालिकालाई एक होटलमा बन्धक बनाएर यौन शोषण गर्दै आएको प्रहरीले जनाएको छ । आरोपित दुवै जनालाई मानव बेचविखन मुद्दा चलाई असार १० गते म्याद थप गरिएको इलाका प्रहरी कार्यालयका इन्स्पेक्टर रमेश अवस्थीले जानकारी दिए । पीडित बालिकाको स्वास्थ्य परीक्षण असार ९ गते भेरी अञ्चल अस्पताल नेपालगञ्जमा गरिएको प्रहरीले जनाएको छ ।