तीन वर्षीया बालिकालाई यौन दुर्व्यवहार गरेको ठहर गर्दै धनकुटा चुङमाङ-२ घर भइ धरान उमनपा-९ का १९ वर्षीय विकल अधिकारीलाई असार १६ गते सुनसरी जिल्ला अदालतले ६ वर्षकैदको फैसला सुनाएको छ । न्यायाधीश भरत लम्सालको इजलासले सो फैसला गरेको हो । ०७२ चैत २४ गते बालिकाई यौन दुर्व्यवहार गरेको भन्दै पीडितका अभिभावकले चैत २५ गते इलाका प्रहरी कार्यालय धरानमा उजुरी गरेका थिए । प्रहरीले चैत २८ गते आरोपितलाई गिरफ्तार गरी अनुसन्धान थालेको थियो । पीडितका परिवारले बलात्कार गरेको दावी गरे पनि यौन दुर्व्यवहार गरेको ठहर गर्दै अदालतले ६ वर्षकैदको फैसला गरेको हो । अधिकारी ०७३ वैशाख २३ गतेदेखि पूर्पक्षका लागि झुम्का कारागारमा थुनामा थिए ।