१४ वर्षीया बालिकालाई असार ११ गते बलात्कार गरेको आरोपमा जगन्नाथ-३ का ४५ वर्षिय बरे सार्कीलाई असार १८ गते प्रहरीले गिरफ्तार गरेको छ । पीडित बालिकाका अभिभावकले कुन्ना प्रहरी चौकीमा असार १२ गते उजुरी दिएपछि प्रहरीले आरोपित सार्कीलाई गिरफ्तार गरी असार १९ गते जिल्ला प्रहरी कार्यलयमा ल्याइएको र थप अनुसन्धान थालिएको जिल्ला प्रहरी कार्यलयका एसपी दलबहादुर वोगटीले जानकारी दिए । पीडित बालिकाको स्वास्थ्य परीक्षण असार १८ गते बाजुरा जिल्ला अस्पतालमा गरिएको छ ।