१६ वर्षीया बालिकालाई यौन दुर्व्यवहार गरेको आरोपमा बेलौरी नपा-६ का ५५ वर्षीय रामकृष्ण श्रेष्ठलाई असार २५ गते प्रहरीले गिरफ्तार गरेको छ । असार २४ गते पीडित बालिकालाई यौन दुर्व्यवहार गरेको भन्दै पीडित बालिकाका अविभावकले इलाका प्रहरी कार्यालय, बेलौरीमा उजुरी दिएका थिए । पीडित बालिकाको अविभावकले दिएको उजुरीको आधारमा प्रहरीले श्रेष्ठलाई अनुसन्धानका लागि गिरफ्तार गरिएको जिल्ला प्रहरी कार्यालयका प्रवक्ता डिएसपी केदार खनालले बताए । पीडित बालिकाको स्वास्थ्य परीक्षण असार २५ गते महाकाली अञ्चल अस्पतालमा गरिएको प्रहरीले जनाएको छ ।