१४ वर्षीया बालिकालाई बलात्कार गरेको ठहरसहित ताप्लेजुङ नपा-६ का ४४ वर्षीय शेरबहादुर लिम्बूलाई ताप्लेजुङ जिल्ला अदालतले असार २६ गते सात वर्षकैद र पीडितलाई १ लाख क्षतिपूर्ति उपलब्ध गराउन फैसला सुनाएको छ । जिल्ला न्यायाधीश अशोककुमार बस्नेतको इजलासले उक्त फैसला सुनाएको हो । लिम्बूले ०७२ चैत २४ गते बालिकालाई बलात्कार गरेको आरोपमा पीडितकी आमाले ०७२ चैत २८ गते जिल्ला प्रहरी कार्यालय ताप्लेजुङमा उजुरी दिएकी थिइन् । ०७३ वैशाख २३ गते पूर्पक्षका लागि थुनामा रहेका लिम्बूको फैसला असार २६ गते भएको श्रेस्तेदार गोपाल थापाले जानकारी दिए ।