गुल्मीको बाझकटेरी बिहिबार राति एक जनाको हत्या भएको छ । बाझकटेरी–१ छहराका ५५ वर्षे छत्रबहादुर सेन वलीको नचिनेको एक समूह हत्या गरेको जिल्ला प्रहरी कार्यालयले जनाएको छ । राति १ बजे दुई जनाको नचिनेका व्यक्ती छत्रबहादुरको घरमा आएर आफूलाई समस्या परेको बताउँदै ढोका खोल्न लगाएका थिए । छत्रबहादुरले ढोका खोलेपछि उनीहरुले पैसा मागेको र पैसा छैन भनेपछि धारिलो हतियार प्रहार गरी उनको हत्या गरिएको जिल्ला प्रहरी प्रमुख एसपी भोला रावलले बताउनुभयो । हत्या गर्ने व्यक्तीको खोजी भइरहेको प्रहरीले जनाएको छ । छोरी र श्रीमतीसँगै घरमा रहेका छत्रबहादुरकोे हत्या गरेपछि उनीहरुले दुई थान मोवाईल र उनको श्रीमतीले कानमा लगाएका सुनका गहना समेत लुटेर लगेको बताइएको छ ।