नौ वर्षीया एक बालिकालाई यौन दुर्व्यवहार गरेको आरोपमा साँखेजुङ्-७ का २७ वर्षीय चन्द्र दाहाललाई प्रहरीले साउन ४ गते गिरफ्तार गरेको छ । शान्तिडाँडा-१ घर भइ साँखेजुङ्मा बस्दै आएका दाहालले असार २५ गते बेलुका कोठामा लगेर अश्लिल भिडियो देखाउँदै यौन दुर्व्यवहार गरेको आरोपमा उनीविरुद्ध असार २६ गते जिल्ला प्रहरी कार्यालयमा उजुरी परेको थियो । उजुरी पछि अनुसन्धानका लागि उनलाई गिरफ्तार गरिएको जिल्ला प्रहरी कार्यालय इलामका इन्स्पेक्टर रुद्र चुडालले जानकारी दिए ।