१४ वर्षीया एक बालिकालाई यौन दुर्व्यवहार गरेको आरोपमा बतासे गाविस-३ का ३२ वर्षीय रमेश विश्वकर्मालाई साउन ६ गते प्रहरीले गिरफ्तार गरेको छ । पीडित बालिकालाई ०७३ वैशाख २४ गते आरोपितले यौन दुर्व्यवहार गरेको आरोपमा पीडित पक्षले ०७३ असार २३ गते जिल्ला प्रहरी कार्यालयमा उजुरी गरेका थिए । पीडित बालिकाको स्वास्थ्य परीक्षण असार २३ गते चौतारा अस्पतालमा गरिएको जिल्ला प्रहरी कार्यालयका इन्स्पेक्टर केदार बस्नेतले जानकारी दिए ।