१४ वर्षीया बालिकालाई बलात्कार गरेको आरोपमा डाँढा गाविस-५ का २५ वर्षीय रोजित मियाँविरूद्ध जिल्ला प्रहरी कार्यालयमा साउन १९ गते उजुरी दर्ता गरिएको छ । पीडितका अभिभावकले दिएको उजुरीका आधारमा साउन १९ गते मुद्दा दर्ता गरी सोहि दिन पीडितको राजविराजस्थित अञ्चल अस्पतालमा स्वास्थ्य परीक्षण गरिएको मुद्दा शाखाका सई हरी खड्काले जानकारी दिए । उजुरीमा आरोपित रोजित र नाम नखुलेको उनका साथीले साउन ३ गते भारतको विरपुर पुर्‍याई साउन ६ गतेसम्म बलात्कार गरेको उल्लेख छ । आरोपितहरूको खोजतलासका लागि प्रहरी परिचालन गरिएको एसपी भिमप्रसाद ढकालले जानकारी दिए ।