कन्चनपुरको गड्डाचौकी नाकाबाट अवैध रुपमा कुबेत र दुबई जान लागेका ४ जना महिलाको उद्धार गरिएको छ । भारत हुदै दुबई जान लागेका नुवाकोटका २ जना, कुबेत जान लागेका म्याग्दी र काभ्रेका २ जना महिलालाई माइति नेपाल कञ्चनपुरले गड्डाचौकीबाट उद्दार गरेको हो । काठमाडौं र पोखराबाट दिल्ली गइरहेका बसको चेकजाच तथा सोधपुछका क्रममा यसरि जान लागेको पत्ता लागेको फर्काइएको माइति नेपाल कञ्चनपुरका संयोजक महेश्वरी भट्टले जानकारी दिनुभयो । माइति नेपाल कञ्चनपुरले गएको ८ महिनामा २ सय जना महिलाको उद्धार गरिसकेको छ ।