११ वर्षीया बालिकालाई बलात्कार गरेको आरोपमा दाङसिङ-८ का ३८ वर्षीय बद्री श्रेष्ठलाई प्रहरीले भदौ ४ गते गिरफ्तार गरेको छ । पीडित बालिकालाई साउन २९ गते बलात्कार गरेको भन्दै जिल्ला प्रहरी कार्यालयमा भदौ ४ गते आरोपित श्रेष्ठविरुद्ध मौखिक उजुरी आए लगत्तै प्रहरीले आरोपितलाई सोही दिन गिरफ्तार गरी अनुसन्धान थालेको जिल्ला प्रहरी कार्यालयका इन्स्पेक्टर जितेन्द्र बस्नेतले जानकारी दिए । पीडित बालिकाको स्वास्थ्य परीक्षण भदौ ५ गते जिल्ला अस्पताल त्रिशूलीमा गरिएको प्रहरीले जनाएको छ । पीडित पक्षले भदौ ५ गते जिल्ला प्रहरी कार्यालयमा लिखित उजुरी दिएको छ । नवदीप श्रेष्ठ