शुक्लागण्डकी नगरपालिका–१३ बस्ने ३२ वर्षीय दुर्गाप्रसाद सिग्देललाई कुटपिट गरी घाइते बनाउने ४ जनालाई बिहिबार प्रहरीले पक्राउ गरेको छ । शुक्लागण्डकी–८ स्थित सुरौदी खोलाबाट ढुङ्गा, गिट्टी, बालुवा निकालेको भनी सिग्देल र अनन्त श्रेष्ठ समेतका स्थानीयले रोक्न जाँदा ठेकेदार पक्षका ४ जनाले कुटपिट गर्दा उनी घाइते भएकोले दुलेगौंडा पोलिक्लिनिक हुँदै थप उपचारको लागि फिष्टेल अस्पताल पोखरा पठाइएको छ ।