आज बिहान सखुवा परसुनी-८ पर्ने जमुनिया टोलमा दाजुभाईबीच कुटपिट हुँदा एकजना गम्भीर घाइते भएका छन् । रामअयोध्या दस थारुको कुटाइबाट भाइ ब्रहम दस थारु गम्भीर घाइते भएका हुन् । खेतको विषयमा बिहान ७ बजे झगडा हुँदा जेठा दाजु रामअयोध्याले भाइ ब्रहम दस माथि लाठी प्रहार गरि बेहोस बनाएको इलाका प्रहरी कार्यालय एकटंगाले बताएको छ । भाइ बेहोस भएर ढलेपछि दाइ फरार छन् । प्रहरीले उनको खोजि गरिरहेको जनाएको छ । बेहोस ब्रहम दासलाई छिमेकि गाउँ परसौनिका दुइजना युबकले बोकेर जमुनिया गाउ पुर्याएका थिए । त्यसपछि गाउलेहरुले उनलाई उपचारका लागि बिरगंज हेल्थकेयर होस्पितल्मा पुर्याए । उनका टाउकोमा ६ वटा टाका लागेको चिकित्सकले बताएका छन्