रुट परमिट सिस्टम खारेजी लगायत माग राखेर आन्दोलित बिराटनगरका सिटी सफारी (इ-रिक्सा) चालकले आइतबार बिराटनगर उपमहानगरपालिकाको कार्यालयमा धर्ना दिएका छन्। सिटी सफरिसहित पुगेका चालकहरुले बिहान १० देखि १२ बजेसम्म २ घण्टा धर्ना दिए। सफारी उपमहानगरपालिका अगाडिको सडकमा राखेर चालकहरुले धर्ना दिन थालेपछि मेनरोडमा सवारी आवागमन सुचारु गर्न खोजे पनि त्यो सम्भव भएन। आफूहरुको माग पुरा नभए थप संघर्ष चर्काउने चेतावनी चालकहरुले दिएका छन्।