६८ वर्षीया महिलालाई बलात्कार गरेको आरोपमा पुर्पक्षका लागि थुनामा रहेका सिद्धिथुम्का-८ का ४८ वर्षीय भगवान लिम्बूलाई जिल्ला अदालतले जन्मकैदको सजाय सुनाएको छ । न्यायाधीश नवराज दाहालको इजलासले हाडनाता करणी र जबरजस्ती करणीअर्न्तगत माघ २६ गते उक्त सजाय सुनाएको अदालतका श्रेस्तेदार जगदीश्वर भट्टराईले जानकारी दिए । पीडित ज्येष्ठ नागरिक भएको र अरोपित संरक्षणकर्तासमेत रहेकाले थप पाँच वर्षकैद समेत जोडेर जन्म कैदको सजाय सुनाइएको भट्टराईले जानकारी दिए । पीडित महिलालाई आरोपितले असोज २ गते बलात्कार गरेको आरोपमा प्रहरीले असोज ५ गते उनलाई गिरफ्तार गरेको थियो ।